鎌倉必試！隱世美味和食！鎌倉美水

之前去東京旅行，順便去咗近郊鎌倉玩，發現咗呢到有一間好好味嘅和食餐廳，覺得值得推介，係其中一間去到鎌倉嘅必試 - 「鎌倉美水」，依家同大家介紹番😆！ 去到鎌倉站附近通常會行人氣嘅大街「小町通り」。而呢間「鎌倉美水」就喺呢條小町通街中間位轉入去嘅巷仔入邊，位置比較隱蔽，但入到去見好多人在排隊，最後要等咗一陣先入到去。 呢間餐廳嘅外觀好似冇乜特別，似係一間有露天座位嘅住宅，但店內裝修真係好有特色，入到去，迎面就見到一個傳統嘅木製門，門上面掛咗幾串風鈴，而店入仲有好多古代感昭和年代嘅木屏風做間隔，分開唔同嘅區域，餐廳內嘅桌椅都係用傳統嘅木材製成，好有溫暖感，而且仲有好有情調嘅吊燈，同彩色玻璃做裝飾，令餐廳好靚，好古典又有藝術氣息。 食物方面，餐廳嘅菜單有好多唔同嘅和食選擇，同埋日本傳統嘅料理可以揀，而餐廳主打係食傳統製作嘅手打烏龍麵同埋天婦羅😍！我仲遇到時令限定嘅Menu，叫咗一個鰻魚兩食，分別係天婦羅鰻魚同埋蒲燒鰻魚！當然唔少得加埋烏龍麵！鰻魚天婦羅炸得好出色，外層炸得酥脆，入面魚肉鮮甜，非常好食。烏龍麵聽講係用咗優質礦泉水和100%日本產的無添加麥粉去整，所以佢哋嘅烏龍好有光澤又有彈牙，配埋京都風格湯汁，真係好正好好味！ 呢間鎌倉美水餐廳嘅裝修同氛圍好好，更重要係嘢食超好味，如果你去到鎌倉旅行，不妨試吓呢間鎌倉美水餐廳😋👍🏻！ 鎌倉美水 Kamakura Misui 📍神奈川県鎌倉市小町 2-9-22 🎌推介程度：❤️❤️❤️❤️❤️ #鎌倉 #人氣 #鎌倉美水 #烏龍麵 #日本產 #手工製作 #Kamakura #日本 #日式 #日本之旅 #japan #自由行 #必去 #好去處 #熱門菜式 #打卡 #攻略 #chill #週末 #快閃之旅 #快閃